ஒளி தரும் தீபங்கள் சுடர் வீசும் தீபம் நாம்
சுடர் வீசும் தீபம் நாம்
கலங்கரை விளக்கைபோல்
இயேசுவில் ஒளி தருவோம்
சரணங்கள்
மலைமேல் ஜொலித்திடும் மாநகர் போலவே
மண்ணகம் காணவே ஒளியினை வீசுவோம்
ஆண்டவர் இயேசுவின் உறவினில் எரிந்திட
அணையாத ஜோதியாய் சுடரை வீசுவோம் - ஒளி தரும்
இருளை நீக்கிட ஒளியாய் வந்தவர்
அருள் நிறை ஒளியினை மேதினி வீசுவோம்
வார்த்தையை பிடித்துமே சுடர்களை போலவே
எழும்பி இப்பாரினில் சுடரை வீசுவோம் - ஒளி தரும்
அழிவின் பாதையில் கல்லறை சென்றிடும்
ஆயிரம் ஆயிரம் தரிசனம் காணுவோம்
சுவிசேஷ ஒளியினை யாவரும் கண்டிட
துணிந்து என்றென்றுமாய் சேவையை செய்குவோம் - ஒளி தரும்
பரிசுத்தவான்களே ஒளியில் வாசமே
சாட்சியின் ஜீவியம் எங்கும் வீசிட
இயேசுவின் ஒளியினை பாரில் வீசியே
ஒளியின் பிள்ளையைப் போல் சீராய் வாழுவோம் - ஒளி தரும்
நானே வெளிச்சமும் நானே வழி என்றார்
அனுதினம் அதிகமாய் அவரை சார்ந்துமே
இயேசுவின் வழியினில் என்றும் நடந்திட
மகிமை ஒளியினை அடைந்து செல்லுவோம் - ஒளி தரும்