மங்கள கீதங்கள் பாடிடுவோம் மணவாளன் இயேசு மனமகிழ
மணவாளன் இயேசு மனமகிழ
கறை, திரை, நீக்கி, திருச்சபையாக்கி
காத்தனர் கற்புள்ள கன்னிகையாய்
பல்லவி
கோத்திரமே! யூதா கூட்டமே
தோத்திரமே! துதி சாற்றிடுவோம்!
புழுதியினின் றெம்மை உயர்த்தினாரே
புகழ்ந்தவர் நாமத்தைப் போற்றிடுவோம்- கோத்திரமே
இராஜ குமாரத்தி Þதானத்திலே
இராஜாதி ராஜன் இயேசுவோடே
இன, ஜன, நாடு தகப்பனின் வீடு
இன்பம் மறந்து சென்றிடுவோம் - கோத்திரமே
சித்திர தையலுடை அணிந்தே
சிறந்த உள்ளான மகிமையிலே
பழுதொன்றுமில்லா பரிசுத்தமான
பாவைகளாகப் புறப்படுவோம் - கோத்திரமே
ஆரங்கள் பூட்டி அலங்கரித்தே
அவர் மணவாட்டி ஆக்கினாரே
விருந்தறை நேச கொடி ஒளி வீச
வீற்றிருப்போம் சிங்காசனத்தில் - கோத்திரமே
தந்தத்தினால் செய்த மாளிகையில்
தயாபரன் ஏசு புறப்படுவார்
மகிழ் கமழ் வீச மகத்துவ நேசர்
மன்னர் மணாளன் வந்திடுவார் - கோத்திரமே