வந்தேன் ஐயா உம் பாதமதில் தந்தேன் என்னை உம் அன்புக்காய்
தந்தேன் என்னை உம் அன்புக்காய்
கர்த்தர் நீர் செய்த நன்மைகட்காய்
காலமெல்லாம் உம்மை போற்றிடுவேன்
ஆயிரம் நாவுகள் போதாதே
ஆடிமை நானும் உமக்கையா - வந்தேன்
கலங்கி தவிக்கும் நேரங்களில்
கண்ணீரைத் துடைத்து தேற்றினீரே
சுமந்தீரே தோளின் மேல் பத்திரமாய்
சுகமான செட்டையில் காத்தீரே - வந்தேன்
எந்தன் ஆவி ஆத்மா சரீரமே
எந்தன் சுகம் பெலன் யாவுமே
பூவிலே உம் சேவை செய்யவே
பூரணமாக ஒப்படைக்கிறேன் - வந்தேன்
உம் சித்தம் என்றும் செய்திடவே
உன்னத ஆவியால் நிரப்புமே
முற்றுமாய் பலியாக படைக்கிறேன்
முடிவு வரை நாதா நடத்துமே - வந்தேன்
ஒப்புவித்தேனே என்னையுமே
முற்றும் பரிசுத்தமாக்கிடவே
நேசர் உம் வருகை நாளிலே
மாசற்றோனாய் என்னை நீர் காணவே - வந்தேன்