பலிபீடத்தில் வைத்தேன் என்னை பாவி என்னை ஏற்றுக் கொள்ளும்
பாவி என்னை ஏற்றுக் கொள்ளும்
உம்மில் நான் இன்றி உலகினில்
உண்மையாய் ஜீவிப்பேனோ
உத்தமனாய் ஜீவித்திட
உம் கிருபை ஈந்திடும்
வாலிப நாளில் வாஞ்சையுடன்
வந்தேன் நின் திருப்பாதம்
வாரும் ஐயா வந்து என்னை
வல்லமையால் நிரப்பும் - பலி
நிலையில்லா இந்த பூவுலகில்
நித்தம் உம் பாதையிலே
நின் சித்தம் போல் உம் கரத்தால்
நித்தம் வழி நடத்தும் - பலி
பரிசுத்தமில்லா இவ்வுலகில்
பரிசுத்தமாய் ஜீவிக்க
பரிசுத்தமான உம் ரத்தத்தால்
பரிசுத்தமாக்கிடும் - பலி