போற்றுவோமே போற்றுவோமே எம் தேவரீரை இவ்வேளையில் நன்றியுடனே
எம் தேவரீரை இவ்வேளையில் நன்றியுடனே
துங்கன் இயேசுவே தூயா உமக்கே
துதிகள் சாற்றிடுவேன்
மங்காப் புகழும் மகிழ்ந்து போற்றி
எங்கும் துதித்திடுவேன்
கங்குல் அற எங்குமே ஒளி
மங்கிடாமலே தங்கிட வேணும் - போற்றுவோமே
ஆழ்ந்த சேற்றினில் அமிழ்ந்த எம்மையே
அணைத்து எடுத்தோனே
ஆழிதன்னிலெம் பாவம் எறிந்த
அன்னை உத்தமனே
அன்றும் இன்றும் என்றும் துதிப்பேன்
மன்னவனையே மண்ணதினிலே - போற்றுவோமே
பாவம் போக்கியே கோபம் மாற்றியே
ரோகம் தொலைத்தோனே
துரோகி என்னையே சுத்திகரித்த
தூய வேத்தனே
தூயா நேயா காயமாற்றியே
கருணா நிதியே பரிகாரியே - போற்றுவோமே
பாரில் என்னையே பிரித்தெடுத்தோனே
தாவி வந்தோனே
அகமதினிலே ஆவி ஈந்திட
அருள் நிறைந்தோனே
தரிசனம் தந்த தேவனே
பரிசுத்தமாய்ப் பாரில் ஜீவிக்க - போற்றுவோமே
பூரணர் ஆகவே பூவில் வாழ்ந்திடக்
கிருபை அளித்தோனே
புகழை விரும்பேன் மகிழ்வேன் தினமே
மகிமை செலுத்திடுவேன்
கோனே தேனே கோதில்லாதோனே
கானம் பாடியே துதித்திடுவேன் - போற்றுவோமே