தூய நல் ஆவி நிறைவுடன் இறங்கி ஊற்றிடுமே எம்மில் ஊற்றிடுமே
ஊற்றிடுமே எம்மில் ஊற்றிடுமே
அல்லேலூயா பாடப் பாட
அற்புத வல்லமை பெருகிடுதே
பாவ சாபங்கள் யாவையுமே
நீக்கி எம்மை நிரப்பிடுமே
வல்ல தேவாவியே வல்லமை தாரும்
வல்ல இயேசுவின் வாக்கிதுவே - தூய
இயேசு என்னில் வெளிப்படவே
உன்னத ஆவியால் நிரப்பிடுமே
ஜீவனை தந்து சேவையே செய்திட
தேவ பெலனை ஈந்திடுமே - தூய
ஆவி வரங்கள் அனைத்தையுமே
ஆவலாய் நான் நாடிடவே
வல்ல அபிஷேகம் தயவுடன் அளித்து
பாரில் என்னை பெலப்படுத்தும் - தூய
தேவ ஆவியின் நிறைவுடனே
பாடி உம்மைத் துதித்திடவே
ஆவியில் நிறைந்து அனுதினம் ஜெபிக்க
அற்புத வல்லமை அளித்திடுமே - தூய
ஆவி ஆத்துமா தேகமதை
ஆவலாகப் படைத்திடவே
ஆதி அன்பு காட்டிட என்னை
தூய ஆவியால் பெலப்படுத்தும் - தூய