Skip to main content

தேவா உம்மை நான் நம்புவேன் அதிகாலை தேடினேன்


தேவா உம்மை நான் நம்புவேன்
அதிகாலை தேடினேன்
தேவனே இவ்வேளையில்
நீங்கா உமது கிருபை பொழியும்
சரணங்கள்

காலை தோறுமே
உந்தன் கிருபை புதியதே
தேவனே உம் சாயலால்
திருப்தியாக்கிடும் - தேவா

காலை விழிப்பினால்
உந்தன் நேச மொழியதை
கேட்டுமே இந்நாளெல்லாம்
மகிழச் செய்யுமே - தேவா

கடந்த இராவினில்
எம்மை காத்த இயேசுவே
படைக்கிறேன் இக்காலையில்
கிருபை தாருமே - தேவா

தாகம் தீர்த்திடும்
நல்ல ஜீவ தண்ணீரே
உந்தன் பாதம் அமர்ந்துமே
தியானம் செய்குவேன் - தேவா

மீட்பர் இயேசுவே
எந்தன் ஆத்மநேசரே
நாளெல்லாம் உம் பாதையில்
செல்ல நடத்துமே - தேவா