துதி கீதங்களால் புகழ்வேன் உந்தன் நாம மகத்வங்களை
உந்தன் நாம மகத்வங்களை
இயேசுவே இரட்சகா
உந்தன் நாமம் எங்கள் ஆறுதல்
சரணங்கள்
தினந்தோறும் உம் தானங்சளால்
நிறைத்திடுமே எங்களை நீர்
திரு உள்ளமது போல் எமை மாற்றிடுமே
கனிவோ டெங்களை உந்தன் காருண்யத்தால் - துதி
அலைமோதும் இவ்வாழ்க்கையிலே
அனுகூலங்கள் மாறும்போது
வழிகாட்டிடுமே துணை செய்திடுமே
கனிவோ டடியார்களை காருண்யத்தால் - துதி
உம்மை துதிக்கும் வேளையிலே
ஊக்கம் அளித்த கிருபையல்லோ
உந்தன் சித்தம் என்னில் நிறைவேறிடவே
என்னை முற்றுமாக இன்று அர்ப்பணித்தேன் - துதி
வானம் பூமியை படைத்தவரே
வாரும் என்றே அழைக்கின்றோமே
என்று வந்திடுவீர் ஆவல் தீர்ந்திடுமே
கனிவோ டெங்களை உந்தன் காருண்யத்தால் - துதி