தேவ தேவன் பாலகனாய் தேவலோகம் துறந்தவராய்
தேவலோகம் துறந்தவராய்
மானிடரின் சாபம் நீங்க
மாநிலத்தில் அவதரித்தார்
அல்லேலூயா!! அல்லேலூயா!!
அற்புத பாலன் இயேசுவுக்கே
பரம சேனை இரவில் தோன்றி
பாரில் பாடி மகிழ்ந்திடவே
ஆநிரையின் குடில் சிறக்க
ஆதவனாய் உதித்தனரே - அல்லேலூயா
ஆயர் மனது அதிசயிக்க
பேயின் உள்ளம் நடுநடுங்க
தாயினும் மேல் அன்புள்ளவராய்
தயாபரன் தான் அவதரித்தார் - அல்லேலூயா
லோகப் பாவம் சுமப்பதற்கோ
தாகம் தீர்க்கும் ஜீவ ஊற்றே
வேதம் நிறை வேற்றுதற்கோ
ஆதியாக அவதரித்தார் - அல்லேலூயா
தாரகையாய் விளங்கிடவோ
பாரில் என்னை நடத்திடவோ
ஆருமில்லா என்னைத் தேடி
அண்ணலே நீர் ஆதரித்தீர் - அல்லேலூயா