இரங்குமே என் இயேசுவே இரக்கத்தின் ஐஸ்வரியமே
இரக்கத்தின் ஐஸ்வரியமே
கூவி கதறியே ராவும் பகலுமே
கெஞ்சும் ஜெபம் கேளுமே
நித்தம் எமக்காய் பரிந்து பேசும்
நள்ளிரவின் நண்பனே
அன்பின் பிதா முன்னிலையில் இன்று ஜெபித்திடும்
அன்பர் ஜெபங்கேளுமே - இரங்குமே
உற்றார் பெற்றோரும் குடும்பங்களும்
மற்றும் பலர் மாள்வதைக்
கண்டு சகித்திடாதென்றும் ஜெபித்திடும்
கண்ணீர் ஜெபங்கேளுமே - இரங்குமே
அன்று நினிவே அழிவைக் கண்டே
அன்பே இரங்கினீரே
யோனா உரைத்த தம் ஆலோசனை தந்து
ஏழை ஜெபங்கேளுமே - இரங்குமே
எத்தனை துன்பம் சகித்துமீட்டீர்
எல்லாமே வீணாகுமோ
அத்தி மரத்திற்கு அன்று இரங்கினீர்
அந்த ஜெபங்கேளுமே - இரங்குமே
சோதனையினின்று இரட்சித்தீரே
சோதோமின் பக்தனையே
ஆபிரகாம் அன்று வேண்டி ஜெபித்ததோர்
ஆதி ஜெபங்கேளுமே - இரங்குமே
ஐந்து கண்டத்தின் ஜனத்திற்காக
ஐங்காங்கள் ஏற்றீரே
தேவன் இல்லை என்று கூறி மடிவோரைத்
தேடும் ஜெபங்கேளுமே - இரங்குமே
பிள்ளைகள் அப்பம் கிடைத்திடாதோ
பேதைகள் கேட்டிடவே
மேஜை துணிக்கைகள் தாரும் எனக் கெஞ்சும்
மாந்தர் ஜெபங்கேளுமே - இரங்குமே
தாரும் உயிர் மீட்சி சபைதனில்
சோரும் உள்ளம் மீளவே
கர்த்தாவே உம் ஜனம் செத்த நிலை மாற
பக்தர் ஜெபங்கேளுமே - இரங்குமே